اسلام آباد (پاکستان پوائنٹ نیوز 08 دسمبر 2018ء) وفاقی وزیر ریلوے شیخ رشید احمدآکھیے جو پیپلز پارٹی اتے (ن) لیگ قومی معیشت دی خراب صورتحال دی ذمہ دار ہن۔ ہک نجی ٹی وی چینل نال گالھ بات کریندے ہوئیں انہاں آکھیا جو پی پی پی اتے پاکستان مسلم لیگ (ن) دیاں گزریل حکومتاں ملکی ڈھانچے اتے معیشت کوں ڈھگ سارا نقصان پجائے۔ انہاں آکھیا جو گزریل ادوار دی کمزور اتے غیر موثر پالیسیاں پاروں عوام کوں پاکستانی روپے دی قدر اچ گھٹکی دا سامنڑاںکرنڑ پئے۔
انہاں آکھیا جو پاکستان تحریک انصاف دے سربراہ وزیراعظم عمران خان اپنڑیں محنت اتے عزم نال ہر شعبہ اچ کامیابی حاصل کریسن۔ وفاقی وزیر دا آکھنڑ ہا جو پوری قوم اتے اساڈی بہادر فوج موجودہ حکومت دے نال ہے اتے وزیراعظم عمران خان ملک کوں خوشحال ریاست بناونڑ سانگے سخت محنت کر یندے پن۔ ہک سوال دے جواب اچ انہاں آکھیا جو عوام کوں ریلوے اچ ملازمتاں ڈیونڑ سانگے ساریاں ممکن کوششاں کیتیاں ویندیاں پن۔ انہاں آکھیا جو پی ٹی آئی دی حکومت غریب بندے دا معیار زندگی چنگا کرنڑ سانگے ہرممکن اقدامات کر یندی پی ہے۔
