چشتیاں (پاکستان پوائنٹ نیوز 08 دسمبر 2018ء) حکومت پنجاب وزیر اعظم عمران خان دے ویژن مطابق جنوبی پنجاب دے پسما ندہ علاقیاں اچ حاملہ تریمتیں کوںدرپیش سنگین مسئلیاں دے ھل سانگے چشتیاں دے 25ایکڑ توں ودھ رقبہ اچ 200بیڈ دا زچہ بچہ ہسپتال تعمیر کرنڑ دی منظوری ڈے تے اینکوں سالانہ ترقیاتی پروگرام 2018-19اچ شامل کر گھدے۔ بورڈ آف ریونیو پنجاب چشتیاںایں سانگے شہر دے نیڑے چک 19گجیانی تے چک41فتح( قاضی والا روڈ )206کنال رقبہ مختص کر ڈتے۔
تحریک انصاف دے ضلعی کوارڈینیڑملک مظفر خان اعوان ایں سلسلہ اچ صوبائی وزیر صحت پنجاب محترمہ ڈاکٹر یاسمین راشد نال ملاقات دے بعد ڈسایا جو ہسپتال بنڑن نال چشتیاں،حاصل پور،ہارون آباد،فورٹ عباس تحصیلاں دے 20لکھ توں ودھ عوام فائدہ چیسن اتے بالاں دے جمنڑے دے سلسلہ اچ نہ صرف درپیش مسئلے مک ویسن بلکہ سرکاری طور تے مفت علاج دیاں سہولتاں وی ملسن۔انہاں آکھیا جو ہسپتال دی بنراونڑ دے تریخ ساز فیصلے نال علاقہ دے عوام وزیر اعظم عمران خان،وزیر اعلی سردار محمد عثمان بزدار دے اقدامات کوں کڈاہیں کائناں بھلسن۔
