چیچہ وطنی (پاکستان پوائنٹ نیوز 08 دسمبر 2018ء) چیچہ وطنی اچ مسافر بس اتے آئل ٹینکر وچال تصادم نال ڈوتریمتیںسمیت ترائے بندے جاں بحق اتے17مسافر زخمی تھی گئے ۔ریسکیوذرائع مطابق حادثہ ہفتہ دی سویل بائی پاس روڈ تے اوں ویلھا پیش آیا جڈاں ملتان توں لہوونجنڑ آلی نجی ٹرانسپورٹ کمپنی دی بس اپنڑے سامنڑے توں آونڑ آلے آئل ٹینکر نال ٹکرا گئی۔حادثے دے نتیجہ اچ 20سال دی بس ہوسٹس کرن عارف،سیکیورٹی گارڈ راشد رفیق اتے30سال دی مسافرتریمت عدیلہ زوجہ محمد عمر سمیت ترائے بندے موقع تے ہی جاں بحق اتے17بندے زخمی تھی گئے۔
زخمیاں اچ چھی تریمتیں اتے ڈوبال وی شامل ہن۔حادثہ بس ڈرائیور کوں نیند رآونڑ پاروں پیش آیا۔زخمیاں کوں تحصیل ہسپتال چیچہ وطنی منتقل کرڈتا گئے ۔ڈاکڑتاں مطابق تارئے زخمیاں دی حالت تشویشناک ہے۔پولیس حادثے دی تفتیش شروع کر ڈتی ہے۔
