لندن ( پاکستان پوائنٹ نیوز 08 دسمبر 2018ء) وفاقی وزیر اطلاعات تے نشریات چوہدری فواد حسین آکھیے جو پاکستان اچ ہنڑ کرپشن اتے منی لانڈرنگ دی کوئی گنجائش کائنی ہے، وزیراعظم عمران دی قیادت اچ پاکستان تحریک انصاف دی حکومت ملک وچوںکرپشن مکاونڑ ، چنگی گورننس اتے قنون دی حکمرانی سانگے پرعزم ہے۔ انہاں خیالیں دااظہاروفاقی وزیر اطلاعات پاکستانی ہائی کمیشن دے احاطے اچ برطانیہ اچ مقیم پاکستانی کمیونٹی دے ہک اجتماع نال خطاب کریندے ہوئیں کیتے۔
برطانیہ اچ پاکستان دے ڈپٹی ہائی کمشنر محمد ایوب وی ایں موقع تے خطاب کیتا۔ چوہدری فواد حسین اج کل برطانیہ دے دورے تے ہن۔انہاں عام انتخابات اچ پاکستان تحریک انصاف اتے تحریک انصاف دے چیئرمین دی حمایت اتے تعاون تے سمندر پار مقیم پاکستانیاں دا شکریہ ادا کیتا۔ انہاں آکھیا جوپاکستان دے متوسط طبقے اتے سمندر پار رہونڑ آلے پاکستانیاں تحریک انصاف اتے عمران خان کوں تبدیلی اتے قنون دی حکمرانی سانگے ووٹ ڈتا،ا یہ ملک اچ مڈل کلاس دی جیت ہے۔
انہاں آکھیا جو کرپشن منڈھوں مکاونڑ، منی لانڈرنگ کوںختم کرنڑ، چنگی گورننس اتے قنون دی حکمرانی دے اہداف حاصل کرنڑوزیراعظم عمران دی قیادت اچ پاکستان تحریک انصاف دی پالیسی ہے۔ انہاں آکھیا جو بابائے قوم قائداعظم محمد علی جناح اتے خود عمران خان سمندر پار پاکستانی رہے ہن اتے ڈوہائیاں لیڈراں لوکیں دے حقوق دے تحفظ اچ اہم کردار ادا کیتے۔
انہاں آکھیا جو پاکستان تحریک انصاف دی حکومت دا قیام سٹیٹس کو اتے کرپٹ نظام دے خلاف متوسط طبقے داانقلاب ہے، تحریک انصاف دی حکومت پہلی واری طاقتور لوکیں اتے گروپاں کوں قنون دی کچہری اچ کھڑا کیتے۔انہاں آکھیا جو اوہ گروپ اتے انہاں رہنما جیرھا اپنڑے آپ کوں قنون توںوڈا سمجھدن انہاں کوں گرفتار کیتاگیا اتے انہاں تے مقدمے درج کرنڑ دے علاوہ انہاں کوں جیل اندر بھیجیا گئے ۔
وفاقی وزیر آکھیا جو پاکستان تحریک انصاف دی حکومت اچ طاقتور طبقات قنون دے دباﺅ دا سامنڑاںکر یندے پن، حکومت بلاتفریق احتساب تے یقین رکھیندی ہے اتے جیرھا وی کرپشن اچ ملوث ہوسی ایندے خلاف کاروائی تھیسی۔انہاں آکھیا جوماضی دیاں حکومتاں کرپٹ لوکیں ،تنے تئیں جو قاتلاں دے خلاف وی کوئی اقدام نی کیتا، پاکستان تحریک انصاف دی حکومت بدعنوانی دے حوالے نال کوئی سمجھوتہ کائناں کریسی اتے نہ ہی کرپشن دا کوئی سکینڈل سامنڑے آوسی کیونجو اساں حکمرانی دے چنگا طریقے نال ملک اچ قنون دی حکمرانی کوں یقینی بنرائے۔
پاک بھارت تعلقات خاص طور تے مسئلہ کشمیر دا ذکر کریندے ہوئیں وزیر اطلاعات آکھیا جو پاکستان بھارت دے نال چنگا تعلقات اتے مذاکرات دے ذریعے مسئلہ کشمیر دا پرامن حل چاہندے ۔ پاکستان اتے بھارت وچال کشمیر تے ترائے جنگاں تھئیاں ،تاں جومسئلے دا حل نی نکل سگیا۔ وزیر اطلاعات آکھیا جو پاکستان بھارت دے نال جموں کشمیر دے پرانڑے جھیڑے سمیت سارے امور کوں مذاکرات دے ذریعے حل کرنڑ دیاں کوششاں کیتیاں ہن ،تاں جوافسوس دے نال آکھنڑ پوندے جو بھارت ہمیشہ پاکستان ولوں مذاکرات دی پیشکش کوں مسترد کیتے۔
وفاقی وزیر کرتار پور رہداری کھولنڑ دے حالیہ اقدام داحوالہ ڈیندے ہوئیں آکھیا جو ایں رہداری توںبھارت اچ رہونڑآلی سکھ کمیونٹی دے ارکان کوں پاکستان اچ مذہبی جئیں تے یاترا اچ مدد ملسی۔ انہاں آکھیا جو اساںبھارت اچ تھیونڑ آلے الیکشن دے نتیجے، بھارت ولوں کشمیر تے موقف اچ تبدیلی اتے مسئلہ کشمیر دے پرامن حل سانگے مذاکرات دی میز تے بہونڑ دے منتظر ہسے۔
ملکی اقتصادی صورتحال داذکر کریندے ہوئیں وزیر اطلاعات آکھیا جو موجودہ حکومت دانشمندانہ اقتصادی پالیسیاں دے نتیجے اچ باہرلے ملک رہونڑآلے پاکستانیاں ولوں ترسیلات زر اچ ودھارا ریکارڈ کیتا گئے ، ملکی برآمدات اچ وی ودھاراڈیکھنر اچ آئے ، پاکستانی حکومت توازن اتے ادائیگیاں اچ موجود خلاءکوں پر کرنڑ سانگے 12ارب ڈالر دے انتظامات کرگھدے ہن اتے ہنڑ ا یہ مسئلہ حل تھی گئے۔
وزیراطلاعات آکھیا جو ایںویلھا سمندر پار مقیم پاکستانی 20ارب ڈالردا زر مبادلہ بھیجدے پن، اساڈی حکومت سمندر پار رہونڑ آلے پاکستانیاں کوں ساریاں سہولتاں ڈیونڑ سانگے کم کر یندی پی ہے ۔ حکومت قنونی ذرائع نال ترسیلات زر بھیجنڑ آلے سمندر پار رہونڑآلے پاکستانیاں دی حوصلہ افزائی کریسی اتے انہاں کوں ساریاں سہولتاں ڈتیاں ویسن۔ انہاں آکھیا جو حکومت سمندر پار رہونڑ آلے پاکستانیاں ولوں ترسیلات زر کو ں30ارب ڈالرز کوں سالانہ ودھاونڑ دے چاہندی ہے اتے ایندے نال نال ٹیکسٹائل ، لیدر ، کھیڈاں دے سامان اتے بئی برآمدی صنعتاں سانگے مراعات ڈتیاں ویندیاں پن ،تاں جوترائے سالاں اندر تجارتی خسارہ گھٹ تھی سگے ۔
وفاقی وزیرآکھیا جوملک اچ سلامتی دی صورتحال اچ چنگائی آئی ہے ۔امریکا ، جاپان اتے بئے ملکاں توں سرمایہ کار ملک اچ مختلف شعبیں اچ سرمایہ کاری سانگے آندے پن ۔ انہاں آکھیا جو ملک اچ سیاحت دے شعبے اچ ودھ ساری استعدادکار موجود ہے، حکومت مذہبی سیاحت کو ںفروغ ڈیونڑ چاہندی ہے ،دنیا دیاں 12اچیاںپہاڑی چوٹیاں پاکستان اچ واقع ہن ۔پاکستان اچ ڈھگ سارے تریخی مقامات موجود ہن، اساڈی کوشش ہے جو سیاحت دے شعبہ اچ موجود مواقع توں چنگا فائدہ گھدا ونجے اتے ایں مقصد سانگے ٹاسک فورس بنراونڑ دا عمل وی کیتا گئے ۔
انہاں آکھیا جو سعودی عرب سمیت ودھ سارے بئے ملکاں پاک چین اقتصادی راہداری اتے ایں منصوبے تحت زراعت ، سیاحت اتے بئے شعبیاں اچ سرمایہ کاری اچ دلچسپی ظاہر کیتی ہے ۔ انہاں آکھیا جوغربت مکاونڑتحریک انصاف دی حکومت دی پالیسیاں دا محور ہے اتے ا یہ عمران خان دت ویژن دی اعلیٰ ترجیحات اچ شامل ہے ۔ ایں موقع تے وفاقی وزیر برطانیہ اچ رہونڑ آلے پاکستانیاں کوں یقین ڈیوایا جو انہاں دے مسئلیاں کوں ترجیحی بنیادیںتے حل کیتا ویسی۔
وزیر اطلاعات آکھیا جو وزارت اطلاعات اچ ڈپٹی سیکرٹری دی سربراہی اچ ہک یونٹ وی بنرایا ویندا پئے ،ا یہ یونٹ سمندر پار پاکستانیوں دیاں شکایتاں وصول کریسی، برطانیہ اچ مقیم پاکستانی ایں یونٹ توں فائدہ گھن سگدن۔ انہاں سمندر پار رہونڑ آلے پاکستانیاں خاص طور تے برطانیہ اچ مقیم پاکستانیاں کوں پاکستان اچ سرمایہ کاری دے مواقع توں فائدے گھنڑ دی پیشکش کریندے ہوئیں آکھیا جو ملک اچ مختلف شعبیں اچ سرمایہ کاری دے وڈے مواقع موجود ہن۔
سرمایہ کاراں سانگے سرمایہ کار دوست پالیسیاں وضع کیتیاں گن ۔ انہاں خصوصی اقتصادی زونز اچ سرمایہ کاری دی دعوت وی دتی۔ ہک سوال دے جواب اچ وفاقی وزیرآکھیاجو آئین تحت دوہری شہریت رکھنڑ لوک الیکشن نی لڑسگدے ،تاں جوحقوق اتے فائدیاں دے حوالے نال پاکستانیاں اتے سمندر پار رہونڑآلے پاکستانیاں وچال کوئی فرق کائنی ہے۔
