وہیل چیئرز استعمال کرنڑ آلے لوکاں کیتے الیکشن دے دفتراں تئیں پج سانگے اقدامات کیتے ویسن، چیف الیکشن کمشنر جسٹس (ر) سردار محمد رضا دا خصوصی افراد دے عالمی ڈینہہ دی تقریب نال خطاب

وہیل چیئرز استعمال کرنڑ آلے لوکاں کیتے الیکشن دے دفتراں تئیں پج سانگے اقدامات کیتے ویسن، چیف الیکشن کمشنر جسٹس (ر) سردار محمد رضا دا خصوصی افراد دے عالمی ڈینہہ دی تقریب نال خطاب

اسلام آباد (پاکستان پوائنٹ نیوز 04 دسمبر 2018ء) چیف الیکشن کمشنر جسٹس (ر) سردار محمد رضا آکھیے جو الیکشن کمیشن سیکرٹریٹ چارے صوبیاں اچ وہیل چیئرز استعمال کرنڑ آلے لوکاں کیتے اپنڑے دفتر قابل رسائی بنڑاونر دے اقدامات کریسی۔ اے گالھ انہاں اسلام آباد اچ الیکشن کمیشن آفس اچ خصوصی افراد دے عالمی ڈینہہ دے حوالے نال ہک تقریب نال خطاب اچ آکھی۔

اے تقریب الیکشن کمیشن ، دیہی تعبیر اتے اقوام متحدہ دے ترقیاتی پروگرام رل تے رکھی ہئی جیندے اچ چیف الیکشن کمشنر ، سیکرٹری الیکشن کمیشن بابر یعقوب فتح محمد، ایڈیشنل ڈائریکٹر جنرل نگہت صدیق، الیکشن کمیشن دے آفیسران، اعلیٰ حکومتی حکام اتے خصوصی افراد، سول سوسائٹی اتے میڈیا دے نمائندیاں شرکت کیتی۔ چیف الیکشن کمشنر آکھیا جو انتخابی عمل اچ معذور افراد دی شرکت بہوں اہمیت رکھدی اے، الیکشن کمیشن پاکستان پائیدار ترقی دے ایجنڈا 2030ءدے اہداف کیتے پاکستان دیان کوششاں اچ اپنڑا کردار ادا کریندا پئے، الیکشن کمیشن ڈوہزار اٹھارہ دے انتخابات اچ خصوصی افراددے مسلیاں دے حل کیتے چنگے اقدامات کیتن، آندے سال الیکشن کمیشن دے دفاتر اچ ایہو جھیں اقدامات دے تحت ریمپ بنڑائے ویسن۔