پاک ایران ڈوطرفہ سیاسی مشاورت دا ڈاہواں مرحلہ؛پاکستان اتے ایران دا 5 ارب ڈالر سالانہ تجارت دے ہدف ،ریلوے رابطہ کاری ودھاونڑ دا فیصلہ ،مشترکہ اقتصادی کمیشن دا 21 واں سیشن آندے سال کراونڑ تے وی اتفاق

پاک ایران ڈوطرفہ سیاسی مشاورت دا ڈاہواں مرحلہ؛پاکستان اتے ایران دا 5 ارب ڈالر سالانہ تجارت دے ہدف ،ریلوے رابطہ کاری ودھاونڑ دا فیصلہ ،مشترکہ اقتصادی کمیشن دا 21 واں سیشن آندے سال کراونڑ تے وی اتفاق

اسلام آباد (پاکستان پوائنٹ نیوز 04 دسمبر 2018ء) پاک ایران ڈوطرفہ سیاسی مشاورت دا ڈاہواں مرحلہ اسلام آباد اچ تھئے جیندے اچ پاکستان اتے ایران 5 ارب ڈالر سالانہ تجارت دے ہدف کوں پورا کرنڑ اتے ریلوے رابطہ کاری ودھاونڑ دا فیصلہ کریندے ہوئیں اتفاق کیتے جو مشترکہ اقتصادی کمیشن دا 21 واں سیشن آندے سال کرایا ویسی۔سیاسی مشاورت اچ پاکستان دے وفد دی اگوانڑی تہمینہ جنجوعہ اتے ایرانی وفد دی اگوانڑی ایران دے نائب وزیر خارجہ سید عباس آراغچی کیتی۔

ایں دوران ڈوہاں ملکاں وچال قونصلر،اقتصادی،تجارت اتے سرحد بارے معاملیاں دا جائزہ گھدا گیا۔اجلاس ڈوہان ملکان دے جاری تعلقات دی نوعیت، تجارت اتے رابطہ کاری ودھاونڑ کیتے اقدامات تے اطمینان دا اظہار کیتا گیا۔اجلاس اچ زائرین دی ودھدی تعداد اتے مسائل دے بارے وی گالھ مہار تھئی۔ڈوہاں ملکاں اتفاق کیتے جو افغانستان دا مسلہ افغان حکومت اتے افغان عوام دی قیادت وچال گالھ مہاڑاتے مصالحتی عمل نال ہی حل تھیونڑا چاہیدے۔ اجلاس اچ مقبوضہ کشمیر دی صورتحال، اسرائیل و فلسطین تنازعہ خاص کر جوائنٹ کمپری ہینسو پلان آف ایکشن (جے سی پی او اے) توں امریکا دی یکطرفہ علیحدگی سودھے بئے اہم علاقائی و بین الاقوامی امورتے بحث کیتی گئی۔