مظفر گڑھ (پاکستان پوائنٹ نیوز 04 دسمبر 2018ء) چیئرمین میونسپل کمیٹی مظفرگڑھ ولوں کروڑاں روپے دی مبینہ کرپشن،میونسپل کمیٹی اچ ملازماں دی بوگس بھرتیاں اتے قیمتی جائیداد من پسند لوکاں کوں الاٹ کرنڑ دے خلاف مظفرگڑھ اچ 11 توں ودھ کونسلرز احتجاجی دھرنا ڈتا۔مظفرگڑھ میونسپل کمیٹی دے چیئرمین دی مبینہ کرپشن دے خلاف کونسلرز مظفرگڑھ دے فیاض پارک چوک تے احتجاجی دھرنا ڈتا۔
احتجاجی دھرنے اچ میونسپل کمیٹی دے کونسلرز ملک مجاہد, ملک جاوید چھجڑا, ملک ریاض موہانہ ,الطاف بھٹی , لیاقت پٹھان ,شیخ اظہر جنگی ,عبدالرحیم دے علاوہ انجمن تاجران دے نمائندے ملک ذوالفقار حسین ڈوگر ,ظفر اقبال گرمانی ,ملک وزیر احمد موہانہ ،صدر مزدور اتحاد تنظیم ,اصغر سعیدی اتے بئے بندے شریک ہن۔احتجاجی کونسلراں دے مطابق چیئرمین میونسپل کمیٹی اکرم چانڈیہ کرپشن کر تے کروڑاں روپے خردبرد کیتے۔میونسپل کمیٹی مظفرگڑھ دی کروڑاں روپے مالیت دی کمرشل جائیداد من پسند بندیاں کوں الاٹ کیتی گئی ۔
