اسلام آباد (پاکستان پوائنٹ نیوز 03 دسمبر 2018ء) وزارت منصوبہ بندی، ترقی تے اصلاحات سرکاری شعبہ دے ترقیاتی پروگراماں اچ ہائر ایجوکیشن کمیشن دے ترقیاتی کماں سانگے مجموعی طوتے ہنڑ تئیں 11 ارب 80 کروڑ50 لکھ روپے توں ودھ دے فنڈز جاری کرڈتے گن ۔ حکومت ہائر ایجوکیشن دے ترقیاتی کماں سانگے جاری مالی سال اچ 30 ارب 96 کروڑ روپے توں ودھ دے فنڈرکھے ہن۔
پلاننگ کمیشن ولوں جاری اعداد وشمار مطابق حکومت پشین اتے خضدار اچ تریمتیں دی یونیورسٹیاں بنڑاونڑسانگے8 کروڑ، سکھر آئی بی اے دی اپ گریڈیشن سانگے10 کروڑ 72 لکھ، یونیورسٹی آف پونچھ راولاکوٹ سانگے 7 کروڑ50 لکھ، یونیورسٹی آف بلوچستان کوئٹہ سانگے 20 کروڑ، یونیورسٹی آف ایجوکیشن لہور سانگے 5 کروڑ، نیشنل ٹیکسٹائل یونیورسٹی فیصل آبادسانگے 16 کروڑ، اسلامیہ یونیورسٹی بہاولپور سانگے 9 کروڑ20 لکھ، پسماندہ علاقیاں اچ یونیورسٹیاں دے قیام سانگے 10 کروڑ، یونیورسٹی آف گجرات سانگے 10 کروڑ، ایئر یونیورسٹی اسلام آباد سانگے 8 کروڑ، ٹیکنالوجی ڈویلپمنٹ فنڈسانگے16 کروڑ، پبلک سیکٹر یونیورسٹیاں سانگے 20 کروڑ، فاطمہ جناح وومن یونیورسٹی راولپنڈی سانگے 11 کروڑ 58 لکھ روپے توں ودھ دے فنڈز جاری کرڈتے ہن۔
