پاک چین تجارت دا حجم ہک عشرے دوران 4 ارب ڈالر توں ودھ تے 17 ارب 40کروڑ ڈالر تئیں پج گئے

اسلام آباد (پاکستان پوائنٹ نیوز 03 دسمبر 2018ء) پاکستان اتے چین وچال ڈوطرفہ تجارت اچ گزریل ہک عشرے دوران وڈاودھارا تھئے ۔ وزارت تجارت ذرائع مطابق 2006-7ءاچ ڈوہائیں ملکاں وچال ڈوطرفہ تجارت دا حجم صرف4 ارب ڈالر ہا جیرھا جو 2017-18ءاچ ودھ تے 17 ارب 40کروڑ ڈالر تئیں پج گیا۔ 2006ءاچ ڈوہائیں ملکان وچال آزاد تجارت دا پہلا معاہدہ تھیا ایندے بعد توں ڈو طرفہ تجارت اچ مسلسل ودھارا تھیندا پئے اتے چین پاکستان اقتصادی راہداری دے نتیجہ اچ پاکستان اتے چین وچال تجارت اچ ودھارے دا امکان ہے۔ ڈوہائیں ملکاں وچال آزاد تجارت دے معاہدے تے نظر ثانی کیتی ویندی پی ہے اتے ایںسلسلہ اچ مذاکرات دے 11 ویں دور اچ ایں حوالے نال معاملات کو ںفائنل شکل ڈتے ونجنڑ دا امکان ہے۔