جھنگ، ٹریفک دے ڈو حادثیں اچ 6بندے زخمی

جھنگ (پاکستان پوائنٹ نیوز 03 دسمبر 2018ء) جھنگ اچ ٹریفنگ دے ڈو مختلف حادثیں دے دوران ترائے تریمتاں سمیت چھی بندے زخمی تھی گن ۔ریس کیو ذرائع دے مطابق جھنگ اچ سنوار دی سویل پہلا حادثہ ملتان روڈ تے حویلی بہادر شاہ دے نیڑے پیش آیا جتھاں تکھی رفتار تے غلط اورٹیکنگ دی وجہ توں کیری ڈبہ ڈھہہ گیا جیں دے نتیجے اچ ترائے تریمتاں سمیت چاربندے زخمی تھی گن ۔ زخمی تھیونڑ آلیں اچ سمیرا، مہوش، کرن اتے عبدالمنان شامل ہن۔ ڈوجھا حادثہ بھکر روڈ تے ملکانہ موڑ تے پیش آیا ۔ جتھاں تکھی رفتارموٹر سائیکل نال کار ٹکرا گی جیں پاروں 2 بندے محمد فراز تے محمد اقبال زخمی تھی گن ۔ ریس کیو ٹیماں سارے زخمیاں کوں ڈسٹرکٹ ہیڈ کوارٹر ہسپتال منتقل کر ڈتے ۔