راولپنڈی (پاکستان پوائنٹ نیوز 30 نومبر 2018ء) سینئر سپرنٹنڈنٹ پولیس(ایس ایس پی )ریلوے راجہ ظہیر ارشد آکھیے جو موجودہ حکومت دی پالیسی تے وفاقی وزیر ریلوے شیخ رشید دی ہدایت تے لینڈ مافیا دے خلاف کاروائی کریندے ہوئیں ہک ارب روپے مالیت دی زمین چھڑا گھدی اے ۔جڈاں جو ایندے نال ریلوے پولیس موٹر سائیکل چور گینگ وی گرفتار کر گھدے ۔جیں 40توں ودھ موٹر سائیکل چوری کرنڑ دا انکشاف کیتے ۔
اے گال انہاں جمعے کوں اپنڑے دفتر اچ راولپنڈی اچ پریس کانفرنس کریندے ہوئیں آکھی ۔انہاں ڈسایا جو وزیر ریلوے دی ہدایت تے چکوال، ڈھڈیال ،ترنول ،اتے ائیر پورٹ دے علاقیں توں ریلوے دی ہک ارب مالیت دی زمین توں قبضہ ختم کرا تے چھڑائی گئی اے ۔پچھلے کئی سالاں توں لینڈ مافیا قبضہ کیتا ہویا اے ۔انہاں آکھیے محکمہ ریلوے اچ موجودہ اصلاحات اتے اقدامات پاروں ریل دے مسافراں اچ ودھارا تھئے جیں پاروں سیکیورٹی اتے مسافراں دی سہولت سانگے اقدامات کریندے پیوں ۔
