اسلام آباد (پاکستان پوائنٹ نیوز 30 نومبر 2018ء) وفاقی وزیر اطلاعات و نشریات چوہدری فواد حسین آکھیے جو حکومت اتے پاک فوج دی خواہش اے جو بھارت دے نال 70سال توں چلنڑ آلا بیانیہ تبدیل تھیوے ،بہتر تعلقات ڈوہیں دے مفاد اچ ہن ،بھارتی قیادت ،دانشور جتنی وختی سمجھ گھنن جوکشمیر تے حقیقت پسندانہ رویہ اپناونڑاں اے اتنی وختی اے مسئلہ حل،پاک بھارت تعلقات بہتر تے اساں اگی تے ودھ سگدوں۔
مقبوضہ کشمیر کو ںخوبصورت علاقے دے طور تے کائناں بلکہ انسانیت دی نظر نال ڈیکھدن ۔پاکستان اچ تھیونڑ آلے بھارتی سپانسر ڈ دہشت گردی دا مقصد مقبوضہ کشمیر تے تسلط برقرار رکھنڑاے ،بھارت کشمیر اچ تھیونڑ آلیاں ناکامیاں دا بوجھ پاکستان تے نہ پاوے،آزادی دل دے اندر دا جذبہ اے ،دل دے بیانیے کوں فوجاں فتح کائنی کر سگدیاں تے نہ ہی جذبات دے رشتے کوں فوجی تسلط ،گولیاں تے بمباں نال ختم کیتا ونج سگدے ،کشمیر اچ جتنی فوجی طاقت استعمال کیتی ویسی اتنا ضیان تھیسی ۔
مسئلہ کشمیر دا ہکو حل مذاکرات ہن ۔او جمعے کوں آل پارٹیز حریت کانفرنس آزاد وجموں کشمیر پاکستان چپٹر دے زیر اہتمام ”آل پارٹیز کشمیر پارلیمنٹری گروپ دی کشمیربارے رپورٹ“ دے عنوان نال سیمینار توں خطاب کریندے پئے ہن ۔ وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان کرتار پور سرحد کھولنڑ دے حوالے نال تقریب سانگے بھارت توں آئے صحافیاں کوں ڈو ٹوک انداز اچ ڈسائے جو ہکو رستہ امن دا ہے ،دروازے راہداریاں تے گیٹ امن سانگے بنڑائے ویندن ۔
انہاں آکھیے جو مقبوضہ کشمیر جڈاں میڈیا تے سوشل میڈیا تے تصویراں آندن جیں اچ ماواں بھینڑیں دے اکھ اچ ہنجوں ہوندن ،کشمیر دے نینگراں کوں لہو لہو ڈیکھدوں تاں اے رستے اوکھے لگدن۔انہاں آکھیا اے گال ڈوہیں ملکاں دے مفاد اچ ہے جو ڈوہیں ملکاں دے تعلقات بہتر تھیون ،اے تعلقات اوں صورت اچ بہتر تھی سگدن جڈاں کشمیر دے مسئلے کوں سمجھیا ونجے ،ہنڑ بھارت کوں مسئلے دی حقیقت کوں سمجھنڑاں ہوسی ایں مسئلے سانگے ڈوہیں ملکاں وچال ترائے جنگاں تھی چکن ۔
ایں وقت پاکستان اچ جیرھی بھارت سپانسرڈ دہشت گردی تھیندی پئی اے ایندی وجہ تے مقصد ہک اے جو بھارت مقبوضہ کشمیر تے اپنڑاں تسلط قائم رکھنڑ چاہندے ۔انہاں آکھیا ہک ویلھا ہئی جو مقبوضہ کشمیر تے بھارتی قبضہ ہئی لیکن ہنڑ پورے بھارت تے کشمیریاں دے بیانیے دا قبضہ اے ۔مقبوضہ کشمیر دے اندر جیرھا وی حکومت بنڑیسی اگر او پاکستان دے خلاف گال کریسی تاں کشمیری عوام اٹھ کھڑے تھیسن ۔ بھارت بے وقوف ہے جیرھا اے سمجھدے جو مقبوضہ کشمیر دی جدوجہد دی وجہ پاکستان اے۔
