اسلام آباد (پاکستان پوائنٹ نیوز29 نومبر2018ء) انسداد دہشتگری دی خصوصی عدالت سابق چیئرمین سینٹ میاں محمد سومرو دے بھنڑیجے بیرسٹر فہد ملک قتل کیس دی سماعت (اج )خمیس تئیں ملتوی کر ڈتی ۔بدھ کوں انسداد دہشت گردی دی خصوصی عدالت کیس دی سماعت کیتی تاں ایں دوران استغاثہ دے گواہ کانسٹیبل عابد علی دا بیان قلمبند کیتا گیا ،جیندے اتے جرح (اج )خمیس کوں تھیسی۔
گواہ عابد علی قتل اچ استعمال تھیونڑ آلی گاڈی، اسلحہ اتے موبائل فون عدالت اچ پیش کر ڈتے۔ بیرسٹر فہد ملک دے وکیل اکرم قریشی سماعت دوران آکھیے جو جیرھی گاڈی ملزم راجہ ارشد قتل دے ٹائم بھجنڑ سانگے استعمال کیتی ،اوہ گاڈی ملزم راجہ ارشد سپردداری تے گھدی لی جیرھی جو پیش نی کیتی۔وقوعے ویلھا استعمال تھیونڑ آلی گاڈی ملزماں ولوںاچ پیش نی کیتی گی ۔ ملزماں ولوں گاڈی پیش نہ کرنڑ تے فاضل جج اے ٹی سی برہمی دااظہار کریندے ہوئیںحکم ڈتا جو (اج ) خمیس کوں ہر صورت گاڈی عدالت اچ گھن تے آﺅ۔ دوران سماعت مقتول دے وکیل استدعا کیتی جو مال مقدمہ مکمل پیش نی تھیاجرح (اج )رکھو۔عدالت استدعا منظور کر یندے ہوئیں سماعت (اج) خمیس تئیں ملتوی کر ڈتی۔
