اسلام آباد (پاکستان پوائنٹ نیوز29 نومبر2018ء) وفاقی وزیر نیشنل ہیلتھ سروسز ریگولیشن اینڈ کو آرڈینیشن عامر محمود کیانی آکھیے جو پاکستان توں ایچ آئی وی ایڈز دے کھنڈنڑ کوں روکنڑ تے اقدامات سانگے پر عزم ہاں ۔یو این ایڈز دیاں جیرھیاں وی سفارشاں ایں کانفرنس دے ذریعے ڈتیاں ویسن وزارت صحت انہاں سفارشات تے عمل درآمد کیتے اپنڑاں چنگاں کردار ادا کریسی ۔
اے گال انہاں اقوام متحدہ دے ایڈز دے کھنڈنڑ توں روکنڑ دے حولے نال کم کرنڑ آلے ادارے اتے شراکت داراں دی سانجھ نال ایڈز دے عالمی ڈینھ دے موقع تے ”اپنڑاں مقام جانڑو“دے موضوع تے تقریب نال خطاب کریندے ہوئیں وفاقی وزیر صحت آکھیا جو ایڈز ہک ایجھی لعنت اے جیں کوں روکنڑ تے علاج کیتے سہولتاں ڈیونڑ اساڈی ذمے واری اے۔ ایں حوالے نال انہاں یو این ایڈز بالخصوص پروگرام دی کنٹری ایڈوائزر فہمیدہ اقبال خان دی تقریب دے انعقاد دی ایں کوشش دی تعریف کیتی تے آکھیا جیرھیاں وی مفید تجویزاں ہوسن ایں پلیٹ فارم توں آسن ۔
حکومت عملدرآمد کیتے موثر کردار اد اکریسی ۔ وزیراعظم عمران خان اتے وزارت صحت بہتر صحت دیاں سہولتاں دی فراہمی سانگے پرعزم اے تے ایں ضمن اچ وزارت صحت اپنڑیاں ذمے واریاں چنگے طریقے ادا کریسی۔
