فضائی بیڑے اچ تیکھے چار نویں طیارے رلاونڑ دا منصوبہ بنڑدا پئے،چیئرمین پی آئی اے ایئر مارشل ارشد ملک دا کارکناں نال خطاب

اسلام آباد (پاکستان پوائنٹ نیوز28نومبر2017ء) چیئرمین پی آئی اے ایئر مارشل ارشد ملک آکھیے جو فضائی بیڑے اچ بہوں تیکھے چار نویں طیارے رلاونڑ دی منصوبہ بندی تھیندی پئی اے۔ اوپی آئی اے ہیڈ آفس اچ کارکناں نال خطاب کریندے پئے ہن۔ انہاں آکھیا جو کارکنان رل تے ولا پی آئی اے کوں صف اوّل دی ایئر لائناں اچ رلیسن اتے ادارے اچ ہنڑ صرف میرٹ دی بنیاد تے ہی کم تھیسی،سفارش کلچرمُکیسوں، کارکناں کوں میرٹ تے ترقی ملسی کیوں جو پی آئی اے کارکنان دی محنت نال ہی ادارے اچ چنگائی آندی پئی اے۔ این موقع تے پی آئی اے دیاں ایسوسی ایشناں اتے سی بی اے عہدیداروں وی شرکت کیتی۔