سمندری خوراک دی برآمدات اچ 11.31 فیصد گھٹکی تھئی ، ادارہ برائے شماریات

اسلام آباد (پاکستان پوائنٹ نیوز28نومبر2017ء) سمندری خوراک دی قومی درآمدات اچ جاری مالی سال دوران جولائی توں اکتوبر 11.31 فیصد گھٹکی تھی ہے۔ ادارہ برائے شماریات پاکستان ( پی بی ایس) دے اعداد وشمار مطابق جاری مالی سال اچ پہلے چار مہینے دوران سمندری خوراک دی ملکی برآمدات 67.156 ملین ڈالر تئیں گھٹ تھی گی جڈاں جو گزریل مالی سال دے ایں عرصہ دوران سمندری خوراک دی برآمدات نال 75. 723 ملین ڈالر دا زرمبادلہ کمایاگیا ہا۔ ایں طرح گزریل مالی سال دے مقابلے اچ جاری مالی سال دے پہلے چار مہینے دوران سمندری خوراک دی قومی برآمدات اچ11.31 فیصد یعنی 8.567 ملین ڈالر دی گھٹکی ریکارڈ کیتی گی ہے۔