اسلام آباد (پاکستان پوائنٹ نیوز28نومبر2017ء) گزریل مالی سال2017-18ءدوران ای کامرس دی قومی مارکیٹ اچ 92 فیصد دا ودھارا تھئے ۔ دوران سال ای کامرس مارکیٹ دا مجموعی حجم 99.3 ارب روپے تئیں ودھ گئے جڈاں جو مالی سال 2016-17ءدوران شعبہ مارکیٹ دا حجم51.8 ارب روپے رہیا ۔ مالی سال 2016-17ءدے مقابلے اچ گزریل مالی سال 2018ءدوران ای کامرس دی مقامی مارکیٹ د ی شرح نمو 92 فیصد تئیں ودھ گی۔
سٹیٹ بینک آف پاکستان ( ایس بی پی)دی سالانہ رپورٹ 2018ءمطابق ملک اچ ای کامرس دے کاروبار دی ترقی دے ودھ سارے امکانات موجود ہن کیونجو ہنڑ تئیں ملک دی مجموعی ریٹیل مارکیٹ اچ ای کامرس دے ذریعے کیتے گئے کاروبار دا تناسب صرف ہک فیصد ہے۔ سٹیٹ بینک آف پاکستان دی رپورٹ مطابق گزریل مالی سال2017-18ءدوران ڈیجیٹل ادائیگیاں دامجموعی حجم 40.1 ارب روپے رہیا،جیندے اچ کریڈٹ، ڈیبٹ کارڈز، انٹربینک فنڈز ٹرانسفرز اتے موبائل فون دے ذریعے کیتی گی ادائیگیاںشامل ہن۔
رپورٹ مطابق مالی سال 2016-17دوران ڈیجیٹل پے منٹس دا مجموعی حجم 20.7 ارب روپے رہیا ۔ مالی سال 2016-17ءدے مقابلے اچ مالی سال 2017-18ءدوران ڈیجیٹل ادائیگیاں دے حجم اچ 93.7 فیصد یعنی 19.4 ارب روپے دا ودھاراریکارڈ کیتا گیا۔ سٹیٹ بینک دی رپورٹ مطابق آندے ڈ وسال دوران ڈیجیٹل ادائیگیاں دی شرح اچ اوسط سالانہ 25 فیصدودھارے دی امید ہے۔
