قائمہ کمیٹی آبی وسائل دے آندے اجلاس اچ خیبرپختونخوا اچ گدولائی ڈیم اتے سندھ اچ آبی ذخائر تے بریفنگ ڈتی ویسی

اسلام آباد (پاکستان پوائنٹ نیوز28نومبر2017ء) قائمہ کمیٹی آبی وسائل دے آندے اجلاس اچ خیبرپختونخوا اچ گدولائی ڈیم اتے سندھ اچ آبی ذخائر دے حوالہ نال بریفنگ ڈتی ویسی۔ سنوار کوں قائمہ کمیٹی دے اجلاس اچ سینیٹر صابر شاہ آکھیا جو خیبرپختونخوا دا ایہ ڈیم نیڑے دے علاقیاں سانگے بہوںاہم ہے، اساکوں ایندی لاگت اتے پانڑیں دی صورتحال دے حوالہ نال بریفنگ درکار ہے۔ سینیٹر گیان چند آکھیا جوسندھ اچ وی جیرھا آبی ذخیرے بنڑائے ویسن یا پی ایس ڈی پی دا حصہ ہن، ایں حوالہ نال وی قائمہ کمیٹی دے ارکان کوں بریفنگ ڈتی ونجنڑ چاہیدی ہائی۔ چیئرمین آکھیا جو انہاںڈوہائیں معاملیاں کوں قائمہ کمیٹی دے ایجنڈے دا حصہ بنڑایا ویسی۔