ریلویز ڈویژن دے ترقیاتی کماں سانگے 8 ارب 7 کروڑ روپے جاری

اسلام آباد (پاکستان پوائنٹ نیوز28نومبر2017ء) وزارت منصوبہ بندی، ترقی و اصلاحات سرکاری شعبے دے ترقیاتی پروگراماں اچ ریلویز ڈویژن دے ترقیاتی کماں سانگے مجموعی طور تے ہنڑ تئیں 8 ارب 7 کروڑ 48 لکھ روپے توں ودھ دے فنڈز جاری کر ڈتن۔حکومت اجوکے مالی سال دے دوران ایں ڈویشن دے ترقی دے کماں سانگے 28 ارب 6 کروڑ روپے توں ودھ دے فنڈز رکھین ۔پلاننگ کمیشن ولوں جاری اعداد شمار دے مطابق حکومت سی پیک سپورٹ پراجیکٹ سانگے 01 کروڑ 95 اکھ، سی پیک دے تحت حویلیاں ڈرائی پورٹ کیتے ہک کروڑ 56 لکھ، سٹاف کواٹرز دی تعمیرسانگے 13 کروڑ 40 لکھ، خانیوال رائیونڈ ٹریک کو ں ڈو پاسے کرنڑ سانگے 30کروڑ 57 لکھ، پورٹ قاسم تا بن قاسم سٹیشن دی بحالی کیتے 9 کروڑ 60 لکھ، ٹریک مینٹیننس پائلٹ پراجیکٹ سانگے 35 کروڑ، ایم ایل ون دی اپ گریڈیشن سانگے 80 کروڑ، ڈیزل الیکٹرک لوکوموٹوز کیتے 2 ارب 80 کروڑ، 2010ءدے سیلاب توں متاثرہ املاک سانگے 40 کروڑ، 2007 اچ متاثرہ املاک دی بحالی سانگے 66 کروڑ 18 لکھ، رولنگ سٹاک اتے ٹریک دی بحالی سانگے 20 کروڑ 29 لکھ روپے توں ودھ دے فنڈز جاری کر ڈتن ۔