اسلام آباد (پاکستان پوائنٹ نیوز28نومبر2017ء) وزارت منصوبہ بندی، ترقی و اصلاحات سرکاری شعبے دے ترقیاتی پروگراماں اچ نیشنل ہائی وے اتھارٹی دے ترقیاتی کماں سانگے مجموعی طور تے ہنڑ تئیں 58 ارب 5 کروڑ 35 لکھ روپے توں ودھ دے فنڈز جاری کرڈتن ، حکومت اجوکے مالی سال دے دوران مواصلات دے شعبے دے ترقیاتی کماں سانگے ہک کھرب 85 ارب 19 کروڑ روپے توں ودھ دے فنڈز رکھین ۔
پلاننگ کمیشن ولوں جاری اعداد شمار دے مطابق حکومت نے این 50 سانگے 60 کروڑ، ڈو لین ہائی وے بسمیہ توں خضدار سانگے 20 کروڑ، چترال ایون بمبوریت سانگے 12 کروڑ، 2010ءدے سیلاب توں متاثرہ املاک دی بحالی سانگے 21کروڑ 66 لکھ، پشاور نادرن بائی پاس سانگے 70 کروڑ، نیشنل ہائی وے ڈویلپمنٹ سیکٹر پراجیکٹ سانگے 20 کروڑ، لواری ٹنل کوں رلاونڑ آلیاں سڑکاں سانگے 60 کروڑ، 6 لین ہائی وے لاہور ایسٹرن بائی پاس کیتے 20 کروڑ، سی پیک دے تحت اسلام آبادتوں رائیکورٹ سیکشن سانگے 60 کروڑ، لاہور سیالکوٹ موٹر وے دی تعمیر سانگے 40کروڑ، لاہور ملتان موٹر وے دی تعمیر سانگے 16ارب 26 کروڑ، جگلوٹ سکردو روڈ دی اپ گریڈیشن کیتے ہک ارب 40 کروڑ روپے توں ودھ دے فنڈ جاری کر ڈتن ۔
