لاہور(پاکستان نیوز پوائنٹ 22اکتوبر2016ء) وفاقی وزیر منصوبہ بندی ،ترقی تے اصلاحات پروفیسر احسن اقبال آکھیا جو تبدیلی دی دھمکیاں ڈیونڑجمہوریت کائنی ،2 نومبر کوں اسلام آباد بند کائنا تھیسی،پی ٹی آئی بند تھی ویسی،پاکستان اچ جمہوری نظام اتے تبدیلی دا ہکو رستہ بیلٹ اے،کہیں کنے حق کائنی جو او اسلام آباد کوں بند کرے،اے جمہوریت نی فسطائیت اے،انہاں کوں چاہیدے جو او پارلیمنٹ دا رستہ اختیار کرن کیونجو مسئلیاں دا ہکو حل پارلیمنٹ دا رستہ اے ،پانامہ کیس دی سماعت سپریم کورٹ اچ تھیندی پئی اے،احتجاجی مرضی دے فیصلے حاصل کرنڑ سانگے اے،پاکستان دی عوام ترقی،امن اتے استحکام چاہندی اے انہاں ایں سانگے احتجاج اچ کوئی دلچسپی کائنی۔
اے گالھیں انہاں گزریل ڈینھ اتھاں گورنمنٹ کالج لاہور اچ وزیر اعظم لیپ ٹاپ سکیم فیز دے تحت تھیونڑ آلی تقریب نال خطاب اتے میڈیا نال گالھ مہاڑ کریندیں ہوئیں آکھی۔انہاں آکھیا جو پانامہ الزامات ایجھے کائنی جو انہاں کوں چارٹ شیٹ آکھیا ونجے اگر کہیں کنے ثبوت ہن تاں سپریم کورٹ اچ اے اتھاں ثبوت ڈیون۔خود جیوری بنڑ کراہیں فیصلہ ڈیونڑ صحیح کائنی ۔
