مظفرگڑھ(پاکستان نیوز پوائنٹ 29ستمبر 2016ء) میلے ٹھیلے نہ صرف اساڈی ثقافت دا حصہ ہن جڈانجو لوکیںکوںہک صحت مند تفریحی ڈیونڑ دا بہوں چنگا ذریعہ وی ہن ، اتے خوشی دے موقعے تے جھومر ، ڈانس اتے رقص جنوبی پنجاب دی ثقافت دا خاصہ ہن ، اتے گالھ ریذیڈنٹ ڈائریکٹر ڈی جی خان آرٹس کونسل اسداللہ شہزاد ڈی جی خان آرٹس کونسل ولوں عجب والا چوک قریشی اچ ثقافتی جھومر شو دے انعقاد دے موقعے تے آکھی۔
انہاں آکھیا جو حکومت پنجاب دی ہدایت دے مطابق مقامی اتے علاقائی تشخص کوں اجاگر کرنڑ اتے انہاں کوں پروان چڑھاونڑ کیتے سارے ڈویژن اچ مختلف پروگرام ترتیب ڈتے گئے ہن تانجو علاقے دی عوام کوں صحت مند تفریحی ڈتی ونج سگے ۔ ثقافتی جھومر شو اچ علاقے دیاں مختلف جھومر ٹولیان ڈھول دی تھاپ تے آپنڑیں آپنڑیں فن دا مظاہرہ کیتا اتے مقامی انداز اچ جھومر پیش کیتی۔ جھومر شو دی ڈیکھنڑآلیاں وڈی تعریف کیتی ، جھومر شو دے چیف آرگنائزر سائیں عباس صادر ہن ، جھومر شودے بعد اعلیٰ کارکردگی دا مظاہرہ کرنڑآلیاں ٹولیاں کوں نقدا نعام ڈتے گئے ۔
