اسلام آباد (پاکستان نیوز پوائنٹ 29ستمبر 2016ء) اقتصادی راہداری منصوبے دے مختلف سیکشنز تے کم تے منصوبے تے پیشرفت دے حوالے نال قومی اسمبلی اچ تفصیل پیش کر ڈتی گی ۔ خنجراب توں رائے کوٹ 335 کلو میٹر سیکشن ژوب ۔ قلعہ سیف اﷲ این 50 دی چنگائی ، قلعہ سیف اﷲ ۔ مسلم باغ سیکشن 50 کلو میٹر، کوئٹہ ۔ قلات 116 کلو میٹر، ہوشاب ۔ گوادر 193 کلو میٹر، برہان ۔ پنڈی بھٹیاں 293 کلو میٹر، پنڈی بھٹیاں ۔
فیصل آباد 53 کلو میٹر سیکشن پورا تھی گے۔ خمیس کوں قومی اسمبلی اچ سوالاں دے وقفے دے دوران ساجدہ بیگم دے سوال دے جواب اچ ڈسایا گیا جو رائے کوٹ ۔ تھا کوٹ 147 کلو میٹر تے 95 فیصد کم پورا تھی گیا ہے، براہما ۔ ڈی آئی خان 285 کلو میٹر، حویلیاں ۔ برہان 59 کلو میٹر، مغل کوٹ ۔ ژوب 81 کلو میٹر، سراب ۔ خوشاب 449 کلو میٹر، فیصل آباد ۔ ملتان 248 کلو میٹر، ملتان ۔
سکھر 392 کلو میٹر اتے حیدر آباد ۔ کراچی 136 کلو میٹر دے حصے تے کم تھیندا پئے ۔ خالدہ منصوردے سوال دے جواب اچ شیخ آفتاب احمد ڈسایا جو بھیرہ، سالم اتے مخدوم انٹر چینج دے ذریعے سرگودھا تئیں ونج سگدے ہوں۔ موٹر وے طویل روٹس تے بنڑائی ویندی پئی ہے ۔ مغربی روٹ تے ڈی آئی خان، خضدار، کوئٹہ اتے گوادر تئیں موٹر وے بنڑسی ۔ کے پی آر دے تحت ہر ضلعے اچ سڑکاں بنڑدیاں پیاں ہن ۔
سرگودھا اچ سڑکاں دی مزید چنگائی سانگے اساں صوبائی حکومت کوں لکھ ڈیسوں ۔ انہاںڈسایا جو 2018تئیں مغربی روٹ دی تکمیل سانگے حکومت پرعزم ہے۔ اے موٹر وے حکومت اپنڑے سرکاری شعبے دے ترقیاتی پروگرام نال بنڑیندی پئی ہے ۔ ساجدہ بیگم دے سوال دے جواب اچ شیخ آفتاب احمد ڈسایا جو اقتصادی راہداری اچ اے پابندی کائنی جو کنٹریکٹ ملکی ہے یا غیر ملکی ہے۔ سارے بڈنگ اچ حصہ گھن سگدے ہن ۔ انہاں ڈسایا جو بہاولپور کو ںانٹرچینج دے ذریعے یقینی طور تے موٹر وے نال جوڑیا ویسی ۔
