اسلام آباد (پاکستان نیوز پوائنٹ 29ستمبر 2016ء) وفاقی وزیر انسانی حقوق کامران مائیکل آکھیا ہے جو ضلعی سطح تے تریمتاں تے انسانی حقوق دی آگاہی سانگے کمیٹیاں بنڑایاں ویندیاں پن ۔ایندی سربراہی پارلیمنٹ دے رکن کریسن ۔خمیس کوں قومی اسمبلی دے اجلاس اچ سوالاں دے وقفے دے دوران ڈاکٹر شازیہ ثوبیہ دے سوال دے جواب اچ وزیرانسانی حقوق کامران مائیکل ڈسایا جو انسانی حقوق دی آگاہی سانگے چارے صوبیں اچ آگاہی مہم چلدی پئی ہے ۔
اقوام متحدہ دے انسانی حقوق کمیشن دی رکنیت سانگے کوششیاں کیتیاں ۔انسانی حقوق دے حوالے نال انہاں دیا ں ضرورتاں پوریاں کریسی ۔کامران مائیکل ڈسایا جو اگلے مہینے دے پہلے ہفتے اچ حقوق دے حوالے نال کمیٹیاں بنڑیندے پیوں ۔پورے ملک اچ انسانی حقوق دیاں خلاف ورزیاں تے قنونی مشاورت سانگے بلا معاوضہ ہیلپ لائن 1099شروع کیتی گی ہے ۔مختلف یونیورسٹیاں اچ 2015اتے 2016دے دوران 29سیمینارز منعقد کرائے گے ہن ۔
