اسلام آباد (پاکستان پوائنٹ نیوز 21 مئی 2018ء) وفاقی سیکرٹری پوسٹل سروسز ڈاکٹر ثاقب عزیز آکھے جو ری برانڈنگ دا مقصد سروسز دے معیار اتے صارفین دے اعتماد اچ ودھارا کرنڑاں ہے ، قومی اسمبلی توں ریگولیٹری فریم ورک بل دی منظوری نال سرکاری اتے نجی کوریئر کوں ریگولیٹ کیتا ونج سگسی ، پاکستان پوسٹ پبلک پرائیویٹ کمپنی کائنی ہک سرکاری ادارہ ہے، ایندی نجکاری کیتی ونج سگدی ہے ، جائنٹ وینچر نال کارکردگی کوں چنگا بنڑایا ونج سگدے ۔
اے گالہیں انہاں جی پی او اسلام آباد دی ری برانڈنگ دے افتتاح دے موقعے تے صحافیوں نال الیندے ہوئیں آکھیاں۔ ایں موقعے تے وفاقی سیکرٹری ری برانڈنگ دا باقاعدہ افتتاح وی کیتا اتے عملے کوں ہدایت کیتی جو خوشگوار ماحول اچ کم کریندے ہوئیں صارفین کوں ودھ توں ودھ سہولتاں ڈیونڑ یقینی بنڑاون۔ انہاں میڈیا کو ں دسایا جو مرحلہ وار ڈاکخانہ جات دی ری برانڈنگ آلے پاسے ویندے پئے ہئیں اتے سارے ملک دے 12 ہزار ڈاکخانہ جات کوں مرحلہ وار ری برانڈ کیتا ویسی ۔
انہاں آکھیا جو محکمہ ڈاک اچ اصلاحات اُتے کم کریندے پئے ہئیں جیندے تحت محکمہ دی سروسز دے معیار کوں چنگے توں چنگا بنڑاونڑ اتے محکمہ کوں منافع بخش ادارہ بنڑاونڑ ہے ۔ انہاں آکھیا جو مالی سال 2018-19ءدے سرکاری شعبہ دے ترقیاتی پروگرام دے تحت 550 ڈاکخانیاں دی تزئین و آرائش اُتے 370 ملین روپے رکھے گئے ہن ۔ انہاں آکھیا جو یو ایم ایس سروس دے ذریعے صرف 40 روپے اچ ملک دے کہیں وی حصے اچ فوری نوعیت دی سروس میسر امسی جڈانجو ہکو ڈینھ اچ ڈلیوری سروس دی راولپنڈی اتے اسلام آباد اچ کامیابی دے بعد ہنڑ اتے سروس لاہوراچ بہوں تکھے متعارف کراونڑ کوں تیار ہئیں۔
