اسلام آباد (پاکستان پوائنٹ نیوز 18 مئی 2018ء) اسلام آباد دی احتساب عدالت اچ ایون فیلڈ ریفرنس اچ سوالنامے تے اعتراض پاروں سابق وزیراعظم محمد نواز شریف، مریم نواز، کیپٹن(ر) محمد صفد دا بیان قلمبند نئیں تھی سگیا۔ احتساب عدالت دے جج محمد بشیر 16 مئی دی سماعت دے دوران محمد نواز شریف، مریم نواز اتے کیپٹن ریٹائرڈ محمد صفدردے بیانات جمعہ (18 مئی) کوں ریکارڈ کرنڑ دا فیصلہ سنڑایا ہا اتے ترنہائیں ملزماں کوں 127 سوالات دا سوالنامہ ڈتا ہا۔
وکیل وکیل صفائی خواجہ حارث سوالنامے تے اعتراض کریندے ہوئے تصحیح کیتے بیا ویلھا منگیا جیندے تے ڈپٹی پراسیکیوٹر نیب سردار مظفر عباسی آکھیا جو وکیل صفائی عدالت دا وقت ضائع کریندے پین۔ ایندے تے جج آکھیا جو اے آخری موقع اے،سونوار کوں ملزماں دے بیان قلمبند تھیسن، جیندے بعد ایون فیلڈ ریفرنس دی سماعت سونوار (21 مئی) تئیں ملتوی کرڈتی گئی۔ پاناما کیس دی جے آئی ٹی دے سربراہ واجد ضیاء،شریف خاندان دے خلاف ایون فیلڈ ریفرنس اچ بطور گواہ بیان ریکارڈ کرا چکین۔ڈوجھے پاسو سابق وزیراعظم نواز شریف دے خلاف العزیزیہ اسٹیل ملز ریفرنس اچ جے آئی ٹی سربراہ واجد ضیاءتے جرح جاری اے جیندے آندی سماعت منگل 22 مئی کوں تھیسی۔
