اسلام آباد (پاکستان پوائنٹ نیوز 16 مئی 2018ء) سابق وزیراعظم میر ظفر اللہ جمالی اپنڑی قومی اسمبلی دی رکنیت توں استعفیٰ ڈیندے ہوئیں آکھیے جو بلوچستان کوں دیوار نال نہ لاتا ونجے تے ایں ایوان اچ جیرھے وی فیصلے کیتے گن انہاں کوں نبھایا ونجے ۔بدھ کوں قومی اسمبلی اچ اظہار خیال کریندے ہوئیں سابق وزیراعظم میر ظفر اللہ جمالی آکھیا جو اگر پرویز مشرف دور اچ او سابق چیف جسٹس افتخار محمد چوہدری کو ںسپریم کورٹ نہ پجیندے تاں انہاں دا کیا حشر تھیونڑاں ہئی ۔
انہاں آکھیا نواب اکبر بگٹی کوں قتل کیتا گیا۔ انہاں آکھیا بلوچستان دے لوکاں کوں دیوا ر نال نہ لاتا ونجے ۔انہاں اپنڑی اسمبلی رکنیت توں استعفیٰ ڈیونڑ دا اعلان کیتا تے آکھیا جو اسمبلی اچ غلط بیان کیتی گی ،جیرھے لوکاں آئین کوں تروڑیے ساریں دے خلاف کاروائی تھیونڑیں چاہیدی اے مگر میکوں پتہ لگے جو اینویں کائناں تھیسے ۔
