اسلام آباد (پاکستان نیوز پوائنٹ 23ستمبر 2016ء) وفاقی پارلیمانی سیکرٹری برائے اطلاعات و نشریات بیرسٹر محسن شاہنواز رانجھا آکھے جو کشمیر دے آزادی دے بغیر امن ہک خواب ہے، بھارت کوں ذمہ دارانہ رویہ اپناونڑاں ہوسی ، جنگ تے فساد نال کہیں مسئلے داحل ممکن کائنی ۔ ہک بیان اچ پارلیمانی سیکرٹری آکھیا جو ایں ویلھے بھارت وادیٔ کشمیر اچ خانہ جنگی اتے کشمیریاں اُتے ظلم تے جبر دے پہاڑ بھنیدا پئے ، تاں ڈوجھے پاسے امن داساریاں توںوڈا حامی بنڑیا ہویا ہے ۔
انہاں آکھیا جو وزیر اعظم پاکستان کشمیر اچ امن و امان کیتے بھرپور انداز اچ مسئلہ کشمیر کوں اجاگر کرتے کشمیریاں دیاں امنگاںدی ترجمانی کیتی ۔حکومت پاکستان مسئلہ کشمیر دے حل کیتے ہر ممکن اقدامات کریندی پئی ہے ۔ وزیراعظم عالمی سطح اُتے ایں مسئلے کوں مکمل طور تے اجاگر کرتے بھارت دا اصل چہرہ بے نقاب کرنڑ کیتے کوششاں کریندے پئے ہن ۔ بیرسٹر محسن رانجھا آکھیا جو وزیر اعظم دا جنرل اسمبلی نال خطاب بہوں ہئی مدلل اتے جامع ریہا جیندے اچ پاکستان اتے کشمیریاں دیاں امنگاں دی صحیح ترجمانی کیتی گئی۔ وزیر اعظم مسئلہ کشمیر کوں مضبوط انداز اچ اجاگر کرتے کشمیریاں دے نال نال پاکستانیاں دے دل وی جیت گھدے ہن ۔
