اسلام آباد (پاکستان نیوزپوائنٹ 25اپریل 2018ء) ڈائریکٹر جنرل نیب راولپنڈی عرفان نعیم منگی عوام دی بدعنوانی متعلق شکایات (اج) خمیس کوں ڈوپہر 2 وجے توں 4 وجے تئیں سنڑسن ۔ قومی احتساب بیورو دے چیئرمین جسٹس (ر) جاوید اقبال دی ہدایت تے انہاں ہر مہینے دی چھیکڑی خمیسکوں عوام دی بدعنوانی متعلق شکایات راولپنڈی بیورو دے دفتر اچ خودسنڑنڑ دا فیصلہ کیتے ۔
قومی احتساب بیورو دے چیئرمین جسٹس (ر) جاوید اقبال ہر مہینے دی آخری خمیس کوں عوام دی بدعنوانی متعلق شکایتاں نیب ہیڈکوارٹرز اچ خود سنڑنڑ دا فیصلہ کیتے بلکہ نیب دے سارے ریجنل بیوروز اچ متعلقہ ڈی جی کو ں وی ایندے تے عمل در آمد کرنڑ دی ہدایت کیتی اے ۔ ڈائریکٹر جنرل نیب راولپنڈی عرفان نعیم منگی عوام دی بدعنوانی متعلق شکایات (اج) خمیس 26 اپریل کوں تریجھے پہر 2 وجے توں 4 وجے تئیں سنڑسن جیرھا جو درخواستاں انہاں دے دائر کار اچ آندیاں ہوسن ، انہاں کوں او خود قانون دے مطابق توڑ پجیسن ۔
