مشیر قومی سلامتی ناصر جنجوعہ نال مراکش دے سفیر محمد کرمونے دی ملاقات، ڈو پاسہ تعلقات کوں بئیا ودھاونڑ بارے معاملیاں تے گالھ مہاڑ کیتی گئی

اسلام آباد (پاکستان نیوزپوائنٹ 19اپریل 2018ء) قومی سلامتی دے مشیر ناصر جنجوعہ آکھیا جو پاکستان مراچک نال آپنڑے تعلقات کوں بہوں اہمیت ڈیندے۔انہاں اے گالھ پاکستان اچ مراکش دے سفیر محمد کرمونے نال گالھ مہاڑ کریندیں ہوئیں آکھی جنہاں خمیس کوں اتھاں انہاں نال ملاقات کیتی۔ملاقات اچ ڈوپاسہ تعلقات کوں بئیا ودھاونڑ بارے معاملیاں تے گالھ مہاڑ کیتی گئی۔قومی سلامتی دے مشیر آکھیا جو مراکش تریخی اہمیت رکھیندے اتے پاکستان مراکش نال تعلقات کوں بہوں اہمیت ڈیندے۔