اسلام آباد (پاکستان نیوزپوائنٹ 19اپریل 2018ء) الیکشن کمیشن سمندر پار پاکستانیاں کوں ووٹ دا حق ڈیونڑ سانگے نادرا دے مجوزہ آئی ووٹنگ سلوشن دے تکنیکی آڈٹ اتے تھرڈ پارٹی جائزے سانگے 7 رکنی انٹرنیٹ ووٹنگ ٹاسک فورس بنراونڑ دا اعلان کیتے۔ الیکشن کمیشن ولوں جاری پریس ریلیز دے مطابق سپریم کورٹ دے فیصلے دی روشنی اچ الیکشن کمیشن چیف ایگزیکٹو آفیسر آئی ٹی بٹلر دبئی ڈاکٹر محمد منشاد ستی دی سربراہی اچ ایہ ٹاسک فورس بنڑائی ہے ۔
کمیٹی اچ ڈائریکٹر جنرل لاء، الیکشن کمیشن پاکستان محمد ارشد، پنجاب انفارمیشن ٹیکنالوجی بورڈ دے چیئرمین ڈاکٹر عمر سیف ، خیبرپختونخوا ٹیکنالوجی بورڈ دے شہبازخان، اسسٹنٹ پروفیسر نسٹ ڈاکٹر سید طحہ علی ، لاہور یونیورسٹی آف مینجمنٹ سائنسز اتے انسٹیٹیوٹ آف بزنس ایڈمنسٹریشن کراچی دے نمائندے وی ایں ٹاسک فورس اچ شامل تھیسن۔
