اسلام آباد (پاکستان نیوز پوائنٹ 19ستمبر 2016ء) وفاقی حکومت ملک دی تریخ اچ ساریاں توں وڈا پی ایس ڈی پی پروگرام مختص کر تے آپنڑے وژن2025ء کوں عملی جامہ پواونڑ دی کوشش کیتی اے جئیں دے تحت پاکستان کوں 2025ء تئیں دنیا دی ڈاہ وڈی معیشتاں اچ رلایا ویسی۔ایں سال دا پی ایس ڈی پی ایں سانگے وی خصوصی اہمیت رکھیندے جو ایں دے وچ انفراسٹراکچر دے منصوبیاں دے تحت سماجی شعبے دی ترقی کوں وی خصوصی اہمیت ڈتی گئی اے۔
سوموار کوں وزارت منصوبہ بندی ترقی تے اصلاحات دے حکام اے پی پی کوں ڈسایا جو وفاقی وزیر منصوبہ بندی، ترقی تے اصلاحات احسن اقبال دی ہدایت دی روشنی اچ اعلیٰ تعلیم دے شعبے کوں ایں سال سال ملکی تریخ اچ ساریاں توں ودھ 21ارب روپے دے منصوبے مختص کیتے گئن ،ہر ضلع اچ یونیورسٹی کیمپس دا قیام،پاکستان امریکا نالج کوریڈور دے تحت 10ہزار پی ایچ ڈی سکالرز دی تیاری، اسکلز یونیورسٹیاں بنڑاونڑ شامل ہن۔
۔سنٹرل ایشیا و پاکستان یونیورسٹی دا قیام، سوات یونیورسٹی، تربت یونیورسٹی، فاٹا یونیورسٹی، سوات ، پشین و خضدار اچ تریمتیں دے جامعات دے کیمپس دے قیام، بنوں یونیورسٹی دی اپ گریڈیشن، حیدر آباد اچ یو نیورسٹی دا قیام، گلگت اچ ٹیکنیکل تے میڈیکل کالج دا قیام، چین پاکستان اقتصادی راہداری سانگے سنٹر آف ایکسیلنس دا قیام شامل ہن ۔
