وزیراعظم شاہدخاقان عباسی ڈیرہ غازیخان اچ ارباں روپے دے ترقیاتی منصوبیاں دا منڈھ بدھ ڈتے

ملتان(پاکستان نیوزپوائنٹ 31مارچ2018ء) وزیراعظم شاہدخاقان عباسی ڈیرہ غازیخان اچ ارباں روپے دے ترقیاتی منصوبیاں دا منڈھ بدھ ڈتے۔ انہاں ڈیرہ غازیخان اچ انڈس ہائی وے دے نادرن بائی پاس اتے راکھی گاج تابواٹاسیکشن دا افتتاح کیتے۔ نادرن بائی پاس 18.90کلومیٹر اتے راکھی گاج بواٹا32.6کلومیٹر سڑکاں دے منصوبے ہین۔انہاں تے ترتیب وار 4.874ارب روپے اتے13.753ارب روپے لاگت آسی۔ وزیراعظم جام پور ،سخی سرور اتے چوٹی زیریں دے نال نال ڈیرہ غازیخان دے بنھاں علاقیاں اچ وی سوئی گیس ڈیونڑ دا اعلان کیتے۔ ڈیرہ غازیخان توں روجھان 180کلومیٹر انڈس ہائی وے ڈو رویہ کیتی ویسی۔