لاہور ہائیکورٹ دا مال روڈتے لیڈی ہیلتھ ورکرز دا احتجاج مکاونڑ دا حکم، سیکرٹری داخلہ پنجاب توں رپورٹ منگ گھدی

لاہور(پاکستان نیوزپوائنٹ 30مارچ2018ء) لاہور ہائیکورٹ دے فل بینچ مال روڈتے لیڈی ہیلتھ ورکرز دا احتجاج مکاونڑ دا حکم ڈیندے ہوئیں سیکرٹری داخلہ پنجاب توں رپورٹ منگ گھدی۔عدالت پچھیا جو مال روڈ تے دھرنے اتے احتجاج نہ کراونڑ کیتے حالی تئیں قانون سازی کیوں نئیں کیتی؟درخواست گزار،سول سوسائٹی نیٹ ورک دے وکیل ڈسایا جو پنج ڈینہہ بعد وی حکومت مظاہرین دے مطالبات سانگے کجھ نئیں کیتا، دھرنے اتے احتجاج نال عوام کوں اوکھ تھیندا پئے، عدالت ایں سانگے قوانین تے عملدرآمد کیتے احکامات ڈیوے۔عدالت کیس دی سماعت ڈو اپریل تئیں ملتوی کرڈتی۔ڈوجھے پاسو عدالت اچ ہک درخواست دائر کیتی گئی اے جو لندن دے ہائیڈ پارک آلی کار مینار پاکستان گراﺅنڈ کوں وی احتجاج کیتے مقرر کیتا ونجے۔