داخلیاں دے خواہشمند طالبعلم صرف رجسٹرڈ میڈیکل کالجاں اچ داخلہ گھنن ، پی ایم ڈی سی

اسلام آباد (پاکستان نیوز پوائنٹ 16ستمبر 2016ء) پاکستان میڈیکل اینڈ ڈینٹل کونسل طلباء کوں ہدایت کیتی ہے جو او صرف رجسٹرڈ میڈیکل کالجا ں اچ داخلہ گھنن ۔ پی ایم ڈی سی دے حکام ڈسایا ہے جو طلباء اتے والدین کوں ہدایت کیتی ہے جو او کالجاں اچ داخلے توں پہلے پی ایم ڈی سی دی ویب سائٹ تے موجود رجسٹرڈ کالجا ں دا غور نال جائزہ گھن تے داخلہ گھنن۔ انہاںا کھیا جو کہیں وی نان رجسٹرڈ میڈیکل اتے ڈینٹل کالج کو ںطلباء کوں داخلے دی اجازت کائناں ڈتی ویسی ۔ جیکر طلباء اے کریسن تاں او آپنڑیں مستقبل دے ذمہ دار آپ ہوسن ۔ انہاں آکھیا جو صرف رجسٹرڈ کالج ہی امتحانات گھن سگسن اتے پی ایم ڈی سی انہاں کالجاںتوں پڑھائی پوری کرنڑآلیاں کوں آپنڑیں کولوں رجسٹر کریسی۔