اسلام آباد (پاکستان نیوزپوائنٹ 16مارچ2018ء) وزارت منصوبہ بندی، ترقی تے اصلاحات سرکاری شعبہ دے ترقیاتی پروگراماں اچ ریلویز ڈویژن دے ترقیاتی کماں سانگے مجموعی طور تے ہنڑ تئیں 18 ارب 27 کروڑ 8 لکھ روپے توں ودھ دے فنڈز جاری کرڈتے ہن ۔ حکومت ملک اچ ریلویز ڈویژن دی چنگائی سانگے 42 ارب 90 کروڑ روپے توں ودھ دے فنڈز رکھے ہن ۔ پلاننگ کمیشن دے جاری کیتے گئے اعداد و شمار دے مطابق حکومت سٹاف کوارٹر بنڑاونڑ سانگے 11کروڑ 31 لکھ، خانیوال۔
رائیونڈ ٹریک کو ں ڈورویہ کرنڑ سانگے 27 کروڑ 18 لکھ، پائلٹ پراجیکٹ دے تحت ٹریک مینٹیننس کیتے 58 کروڑ، ایم ایل ون دی اپ گریڈیشن اتے ڈیزائننگ سانگے5 ارب 50 کروڑ، کول ٹرانسپورٹیشن سانگے ہک ارب 78 کروڑ، 2010ءسیلاب توں متاثرہ املاک دی بحالی سانگے 52 کروڑ، پرانڑے سگنل گیئر اں دی تبدیلی سانگے ہک ارب 99 کروڑ، خانپور۔لودھراں سیکشن دی بحالی کیتے ہک ارب 79 کروڑ روپے سمیت مختلف ترقیاتی منصوبیاں سانگے فنڈز جاری کر ڈتے ہن ۔
