لاہور(پاکستان نیوزپوائنٹ 16مارچ2018ء) لاہور ہائی کورٹ تریمت کوٹے کوں نظر انداز کرنڑ تے تا حکم ثانی قومی ائیر لائن پی آئی اے اچ پائلٹ دیاں بھرتیاں دا عمل روک ڈتا ۔عدالت چیئر مین پی آئی اے کوں نوٹس جاری کریندے ہوئیں 27مارچ کوں جواب منگ گھدے ۔لاہور ہائیکورٹ دے جسٹس محمد فرخ عرفان خان کیس دی سماعت کیتی ،درخواست گزار کومل ظفر ولوں موقف اختیار کیتا گیا جو پی آئی اے پائلٹ دیا ں بھرتیاں اچ تریمت کوں پالیسی دے خلاف نظر انداز کیتا گیا ۔
انہاں ڈسایا جو پی آئی اے اچ تریمت پائلٹ دیاں بھرتیان سانگے ڈاہ فیصد کوٹہ مختص اے ‘ انہاں ڈسایا جو پائلٹ دیاں بھرتیاں اچ تریمت کوٹے کوں پورے طور تے نظر انداز کر ڈتا گیا جیرھا جو پی آئی اے پالیسی دی سنگین خلاف ورزی اے ،انہاں استدعا کیتی جو عدالت پالیسی دے مطابق تریمت دی مخصوص سیٹاں تے بھرتیاں دا عمل پورا کرنڑ دے احکامات صادر کرے ،جیں تے عدالت تریمت کوٹے کوں نظر انداز کرنڑ تے تا حکم ثانی پائلٹ دیاں بھرتیاں دا عمل روک ڈتا ۔عدالت چیئر مین پی آئی اے کوں نوٹس جاری کریندے ہوئیں جواب منگ گھدے ۔
