اسلام آباد(پاکستان نیوزپوائنٹ 16مارچ2018ء) سابق وزیر داخلہ چوہدری نثار علی خان آکھیا جو 2013اچ اساں ای سی ایل دے حوالے نال پالیسی تے نظرثانی کیتی اے‘ ہنڑ وزارت دے اندرہک کمیٹی بنڑائی گی اے جیرھی جو کہیں ادارے ولوں ای سی ایل اچ ناں پاتے ونجنڑ دی سفارش دا جائزہ گھندی اے ،سابق وزیراعظم دے معاملے تے کمیٹی جائزہ گھدا ہوسی ‘ ایندی سفارشات ایوان اچ پیش کیتیاں ونجن ‘ اگر ایندا فیصلہ کمیٹی کائنی کیتا تا ں ولا کتھائیں بئی جاہ تھیا ہوسی ۔
جمعے کوں قومی اسمبلی اچ سوالاں دے وقفے دے دوران پیپلز پارٹی دے رکن سید نوید قمر دے ای سی ایل اچ ناں پاتے ونجنڑ دے حوالے نال معیار تے سابق وزیراعظم دا ناں نہ پاتا ونجنڑ دے حوالے نال سوال دے جواب اچ پارلیمانی سیکرٹری داخلہ ڈسایا جو وزارت اچ میرٹ تے فیصلے تھیندن ۔سابق وزیراعظم دے حوالے نال سوال ذاتی ہے ایں سانگے ایں حوالے نال نواں سوال ڈتا ونجے ۔
جیں تے سابق وزیر داخلہ چوہدری نثار علی خان آکھیا جو اے درست ہے جو آمر دے ہک آرڈیننس دے ذریعے ای سی ایل تے ناں پاتے ویندے پے ہن تاں جو ای سی ایل دے حوالے نال ہک واضح پالیسی موجود اے ۔2013اچ اساں اینکوں ریویو کیتا ایندے نویں ایس او پی بنڑائے ۔ایندے توں پہلے ذال پئے دے جھیڑے تے وی ای سی ایل اچ ناں پاتا ویندا ہئی اساں اینکوں سنٹرلائزکیتا تے ایں حوالے نال وزیر داخلہ تے سیکر ٹری داخلہ دا کردار کائنی رہیا ،اساں طے کیتا جو وزارت اپنڑے طور تے کہیں دا ناں کائناں پیسی ۔
