ملک اچ ایں قت نیشنل بنک دیاں 1561 برانچاں کم کریندیاں پن ‘ وزارت خزانہ

اسلام آباد(پاکستان نیوزپوائنٹ 16مارچ2018ء) وزارت خزانہ ولوں قومی اسمبلی کوں ڈسایا گیا جو ملک اچ ایں وقت نیشنل بنک دیاں 1561 برانچاں کم کریندیاں پن ‘ فاٹا سمیت کہیں وی علاقے اچ نیشنل بنک دی برانچ قائم کرنڑ دے حوالے نال مقام دی نشاندہی کیتی ونجے تاں ایندے تے عمل در آمد تھیسی ۔ جمعے کوں قومی اسمبلی اچ سوالاں دے وقفے دے دوران نگہت پروین میر دے سوال دے جواب اچ وزارت خزانہ قومی اسمبلی کوں کوں ڈسایا جو ملک اچ 2013تئیں نیشنل بنک دیاں 1400 برانچاں ہن ۔ انہاں برانچاں اچ 161 برانچاں دا ودھارا کیتا گیا ۔ اگر فاٹا اچ برانچاں دی ڈیمانڈ ہے تاں علاقے دی نشاندہی کیتی ونجے اتھاں نیشنل بنک دی برانچ کھول ڈتی ویسی ۔