پاکستان پوسٹ اچ خصوصی بھرتیاں دی چھان پھٹک کیتے ایوان دی خصوصی کمیٹی بنڑاونڑی پئی تاں بنڑیسوں،ڈپٹی سپیکر مرتضیٰ جاوید عباسی

اسلام آباد(پاکستان نیوزپوائنٹ 15مارچ2018ء) ڈپٹی سپیکر مرتضیٰ جاوید عباسی آکھیے جیکر پاکستان پوسٹ اچ خصوصی بھرتیاں دی چھان پھٹک کیتے ایوان دی خصوصی کمیٹی بنڑاونڑی پئی تاں بنڑیسوں قومی اسمبلی اچ نکتہ اعتراض تے عائشہ سید آکھیے جو پاکستان پوسٹ دی بھرتیاں اچ بے ضابطگیاں تھئنین جیندی تحقیقات تھیونڑی چاہیدی اے۔ کمیٹی معاملے دی چھان بین کیتے ذیلی کمیٹی بنڑاونڑ دا مطالبہ ہک پاسے سٹ گھتیے۔ڈپٹی سپیکر آکھیے جو انہاں ہدایتی کیتی اے جو پاکستان پوسٹ اچ بھرتیاں بارے کمیٹی دی رپورٹ ایوان اچ پیش کیتی ونجے جیکر ایوان مطمئن نہ تھیا تاں ایندے تے ایوان دی خصوصی کمیٹی بنڑائی ویسی۔