اسلام آباد(پاکستان نیوزپوائنٹ 15مارچ2018ء) حکومت ولوں قومی اسمبلی کوں ڈسایا گئے جو پاکستان پوسٹ آفس دی نجکاری دا کوئی فیصلہ نئیں تھیا، صرف ادارے اچ 2015ءدے اصلاحاتی ایجنڈے تے عملدرآمد دے طورتے محکمہ ڈاک دی ترسیل‘ رسائی اتے ادارے دے انفراسٹرکچر کوں چنگا کرنڑ کیتے پرائیویٹ پبلک پارٹنر شپ دے تحت پروگرام سانگے پیشکشاں منگیاں گن۔ قومی اسمبلی اچ ڈاکٹر عارف علوی ولوں توجہ ڈیواو نوتس دے جواب اچ پارلیمانی سیکرٹری راجہ جاوید اخلاص آکھیے جو پاکستان پوسٹ جھیں اہم قومی مواصلاتی ادارے دی نجکاری زیر غورکائنی۔
ڈاکٹر عارف علوی‘ منزہ حسن‘ لال چند ملہی اتے ساجدہ بیگم دے سوالاں دے جواب اچ انہاں آکھیے جو محکمہ ڈاک اچ پرائیویٹ پارٹنر شپ ست ارب روپے دا ریونیو پورا کرتے ودھ ریونیو تے کیتی ویسی بھل اثاثہ جات ادارے دی ملکیت راہسن۔ایندے تے ارکان عدم اطمینان کریندے ہوئیں مطالبہ کیتے جو ایں توجہ ڈیواو نوٹس کوں متعلقہ قائمہ کمیٹی دو بھیجا ونجے جیندے تے ڈپٹی سپیکر معاملہ قائمہ کمیٹی کوں بھجوا ڈتے۔
