سینٹ الیکشن اچ ووٹ ویچنڑ دے الزاماں دی تحقیقات سانگے ہک آزاد کمیشن بنڑایا ونجے ، شہریار آفریدی

اسلام آباد(پاکستان نیوزپوائنٹ 13مارچ2018ء) پاکستان تحریک انصاف دے رکن قومی اسمبلی شہریار آفریدی آکھیا جو سینیٹ الیکشن اچ ووٹ ویچنڑ دے الزاماں دی تحقیقات سانگے ہک آزاد کمیشن بنڑایا ونجے تے الزام درست ثابت تھیونڑ تے سخت سزا ڈتی ونجے ۔منگل کوں قومی اسمبلی اچ اعتراض دے نکتے تے شہریار آفریدی آکھیا فیصلے اسلام آباد اچ تھیندے ہن ۔اتھوں ہک قرار داد منظور تھیوے جیں سینیٹ انتخابات اچ ووٹ ویچے اینکوں سخت سزا ڈتی ونجے ۔ایجھا قانون بنڑایا ونجے جو پاکستان دے عوام دے ضمیر دے سودا گراں کوں سزا ڈتی ونجے ۔