اسلام آباد (پاکستان نیوزپوائنٹ 02 مارچ2018ء) مختلف جماعتاں نال تعلق رکھنڑ آلے ارکان قومی اسمبلی پٹرولیم مصنوعات دیاںقیمتاں اچ ودھارے تے شدید احتجاج کریندے ہوئیں مطالبہ کیتا ہے جو پٹرولیم مصنوعات دیاں قیمتاں اچ ودھارا فی الفور واپس گھدا ونجے، حکومت ٹیکساں دا نظام چنگا بنڑا تے بجٹ خسارہ پورا کرے۔ جمعہ کوں قومی اسمبلی دے اجلاس اچ پی ٹی آئی دے رکن قومی اسمبلی عامر ڈوگر نکتہ اعتراض تے آکھیا جو پٹرولیم مصنوعات دیاں قیمتاں اچ ودھارا ظلم تے زیادتی ہے۔
ایندے نال مہنگائی دا طوفان آوسی۔ جمشید دستی نکتہ اعتراض تے آکھیا جو بدقسمتی نال اج کسان بدحالی دا شکار ہے۔ گنے دے کاشتکاراں کوں مناسب معاوضہ نی ملدا پیا‘ انہاں حالات اچ پٹرولیم دیاں قیمتاں اچ ودھارے نال کساناں دے حالات بئے خراب تھی ویسن۔ انہاں آکھیا جو ریگولیٹری اداریاں دی کارکردگی دا وی جائزہ گھنڑ چاہیدے ،ایں سلسلے اچ پارلیمان کوں اپنڑاں کردار ادا کرنڑ چاہیدے۔
جماعت اسلامی دے پارلیمانی لیڈر صاحبزادہ طارق اللہ آکھیا جو تیل دیاں قیمتاں اچ ودھارے نال عوام اچ تشویش پاتی ویندی ہے۔ انج لگدا پئے جو قیمتاں کوں 2013ءدی سطح تے گھن تے آیا ویندا پئے جیرھا جو تشویشناک ہے۔ حکومت کو ںایں صورتحال دا جائزہ گھنڑ چاہیدے اتے عام لوکاں کوں سہولتاں ڈیونڑ تے توجہ ڈیونڑ دی ضرورت ہے۔ پارلیمان کوں ایں سلسلے اچ اپنڑاں کردار ادا کرنڑ پوسی اتے قیمتاں اچ ودھارے کوں واپس گھدا ونجے۔
انہاں آکھیا جو مالاکنڈ اتے ہزارہ ڈویژن اچ مٹی دے تیل دیاں قیمتاں کوں گھٹ توں گھٹ رکھیا ونجے۔ پی ٹی آئی دی رکن عائشہ گلالئی نکتہ اعتراض تے آکھیا جوپٹرول دیاں قیمتاں اچ جاری سال دے دوران تریجھی واری ودھارا کیتا گئے جیندے نال کاشتکار اتے عام لوک متاثر تھیسن۔ حکومت کوں ایجھی پالیسیاں توںگریز کرنڑ چاہیدے۔ پیپلز پارٹی دے رکن قومی اسمبلی سید نوید قمر آکھیا جو انہاں ایںایشو تے توجہ مبذول کراونڑ اد انوٹس وی ڈتے،جڈاں بین الاقوامی مارکیٹ اچ تیل دایں قیمتاں ودھیاں تاں سیلز ٹیکس اچ ودھارا کیتا گیا۔
ایں ویلھے ڈسایا گئے جو تیل دیاں قیمتاں اچ ودھارے نال سیلز ٹیکس اچ گھٹکی لاتی ویسی ۔ ایں ویلھے پٹرولیم مصنوعات خصوصاً ڈیزل تے زیادہ سیلز ٹیکس نال کاشتکاراں اتے عام لوکاں دے مسائل اچ ودھارا تھئے ۔ انہاں آکھیا جو ایف بی آر کو ںتیل تے ٹیکس اچ ودھارے دی بجائے بئے ذرائع تے اپنڑیں توجہ ڈیونڑ چاہیدی ہے اتے امیر طبقہ کوں ٹیکس نیٹ اچ گھن آونڑ چاہیدے۔
حکومت کوں پٹرولیم مصنوعات دیاں قیمتاں دا مکمل جائزہ گھنڑ چاہیدے۔ جے یو آئی (ف) دی رکن آسیہ ناصر آکھیا جوقیمتاں اچ ودھارے نال ساریاں شئیں تے اثرپوسی اتے عام لوکاں دی زندگی تے اینداودھ سارا فرق پوسی۔ انہاں آکھیا جو پٹرول دی مد اچ ریونیو اچ ودھارراکرنڑ دی کوشش کیتی ویندی ہے۔اساںمطالبہ کریندوں جو پٹرول دیاں قیمتاں اچ ودھارے دا فیصلہ واپس گھدا ونجے ۔
مٹی دا تیل غریب طبقہ استعمال کریندے۔ انہاں توںایہ سہولت کھسنڑافسوسناک ہے۔ پیپلز پارٹی دی رکن قومی اسمبلی ڈاکٹر نفیسہ شاہ نکتہ اعتراض تے آکھیا جو بجٹ دے آونڑ توں پہلے ایس آر او جاری کیتا گیا ہائی ،جیندے اچ پٹرولیم مصنوعات تے لیویز اچ ودھارا کیتا گیا جڈانجو وعدہ کیتا گیا ہا جو ایہ طریقہ اختیار نی کیتا ونج جاسگدا۔ انہاں و ¿کھیا جو قیمتاں اچ ودھارے نال معاشرے دا محروم طبقہ زیادہ متاثر تھیسی۔ انہاں آکھیا جو خطے دے ملکاں دی نسبت پاکستان اچ ڈیزل دیاں قیمتاںودھ ہن ایندا نوٹس گھنڑ چاہیدے۔
