اسلام آباد (پاکستان نیوزپوائنٹ یکم مارچ2018ء) وزیراعظم شاہد خاقان عباسی آکھیا جو حکومت خصوصی طور ریاضی اتے سائنس دے میدان اچ معیاری تعلیم دے ودھارے سانگے اقدامات دی لوڑھ محسوس کریندی اے،ایں مقصد سانگے ہر تجویز دا خیر مقدم کریسی،۔انہاں اے گالھ پاکستان الائنس فار میتھ اینڈ سائنس دے وفد نال گالھ مہاڑ کریندیں ہوئیں آکھی جنہاں خمیس کوں وزیراعظم آفس اچ انہاں نال ملاقات کیتی۔
وفد اچ ڈاکٹر نیلوفر ہلائی، مشرف زیدی، ڈاکٹر منظور سومرو، محترمہ ہما ضیائ، نمرا طارق، سلمان نوید خان، محترمہ لالہ رخ، عبدالرﺅف، پرتاب شیوانی، جنید دھارم، ڈاکٹر فیصل خان اور محترمہ ندا بخاری شامل ہن۔وفد دے ارکان وزیراعظم کوں طالب علماں اچ سائنس تے ریاضیاتی علوم اچ دلچسپی پیدا کرنڑ سانگے الائنس فارمیتھ اینڈ سائنس دی سرگرمیاں بارے ڈسایا جیڑھا جو ملک دی سماجی تے اقتصادی ترقی دی کلیدی ہن۔
