اسلام آباد (پاکستان نیوزپوائنٹ 21 فروری2018ء) وزیراعظم شاہد خاقان عباسی 22 فروری توں ترکمانستان اتے افغانستان دا دورہ کریسن۔دفترخارجہ ولوں ڈسایا گئے جو وزیراعظم شاہد خاقان عباسی، ترکمانستان دے صدر قربان علی ملکگولوچ بردی محمدوف، افغان صدر اشرف غنیدی دعوت تے افغانستان اتے ترکمانستان دا دورہ کریسن۔اپنڑے دور ے اچ شاہد خاقان عباسی ترکمانستان۔
افغانستان۔پاکستان۔بھارت (تاپی) گیس پائپ لائن منصوبہ، بجلی ٹرانسمیشن لائنا ں اتے فائبر آپٹکس دی سنگ بنیاد (لنک اپ) تقریبات اچ شرکت کریسن۔تقریب دا پہلا مرحلہ 22فروری کوں سرہتابت، ترکمانستان اچ تھیسی۔او ترکمانستان دے صدر نال ملاقات کریسن، ایں موقع تے پاکستان سمیت چارے رکن ممالک جیندے اچ بھارت وی شامل اے ثقافتی مظاہرے اتے فن پاریاں دی آرٹس اینڈ کلچرل نمائش ڈیکھسن۔شاہد خاقان عباسی ترکمانستان اچ لنک اپ تقریب دے دوران اپنڑا بیان جاری کریسن۔بعد اچ وزیر اعظم شاہد خاقان عباسی سنگ بنیاد دی تقریب دے افغان مرحلہ اچ شرکت کیتے اوں ڈینہہ ہرات، افغانستان ویسن۔او افغان صدر نال وی ملاقات کریسن۔
