نوجوان نسل کوں جدید تعلیم اتے ٹیکنالوجی دے موقع ڈیونڑ حکومت دی ترجیح اے،گورنر پنجاب

لاہور(پاکستان نیوزپوائنٹ 17فروری2018ء) گورنر پنجاب ملک محمد رفیق رجوانہ آکھیے جو نوجوان نسل کوں جدید تعلیم اتے ٹیکنالوجی دے موقع ڈیونڑ حکومت دی ترجیح اے،حکومت معیاری تعلیم دے ودھارے کیتے بہوں کم کریندی پئی اے۔گورنر پنجاب لاہور سکول آف اکانومکس دے کانووکیشن دی تقریب اچ شرکت کیتی۔ انہاں آکھیے جو حکومت دیاں موثر پالیسیاں پاروں مسائل تے قابو پاتا ویندا پئے،طلبا کوں چاہیدے جو او اعلیٰ تعلیم دا شوق اتے لگن رکھن تاں جو ملک دے مستقبل اچ اپنڑا ہتھ ونڈا سگن، طلباءڈگری گھنڑ توں بعد گھر باہنڑ دی بجائے معاشرے دی چنگائی ، ملک دی ترقی ، خوشحالی اتے مستقبل کیتے کردار ادا کرن۔ایں موقعے تے گورنر تعلیم مکمل کرنڑ آلے طلبا ءو طالبات اچ میڈلز اتے سرٹیفیکیٹس ونڈین۔