عالمی طاقتاں بھارت کوں خطے اچ بد امنی کھنڈاونڑ اتے وڈی تعداد اچ اسلحہ دی خریداری توں روکنڑ اچ اپنڑاں کردار اداکرن ،ڈاکٹر پر ویز اقبال چیمہ

عالمی طاقتاں بھارت کوں خطے اچ بد امنی کھنڈاونڑ اتے وڈی تعداد اچ اسلحہ دی خریداری توں روکنڑ اچ اپنڑاں کردار اداکرن ،ڈاکٹر پر ویز اقبال چیمہ

اسلام آباد (پاکستان نیوز پوائنٹ 07ستمبر 2016ء) معروف دفاعی تجزیہ کا رڈاکٹر پرویز اقبال چیمہ آکھیا ہے جو عالمی طاقتاں بھارت کوں خطے اچ بد امنی کھنڈاونڑ اتے وڈی تعداد اچ اسلحہ دی خریداری توںروکن ۔ریڈیو پاکستان نال گالھ مہاڑ کریندے ہوئیں انھاں آکھیا جو 6ستمبر 1965کوں جیویں پاکستان دی فوج بھارتی جارحیت دا جواب ڈتا اتے جیں جذبے نال حب الوطنی دا مظاہر ہ کیتای اوں وقت دی عوام نہ ڈردے ہوئیں فوج داساتھ ڈتا او کڈاہیں وی نی بھلا یا ونج سگدا ۔

انھاں آکھیا جو پاکستان دای تاریخ اچ ایجھے واقعات بہوں گھٹ ڈیکھنڑ اچ آئے ہن ۔پہلا واقعہ 1947کوں جڈاں پاکستان معرض وجود اچ آیا ۔ڈوجھا 1965اتے تریجھا 2005دا زلزلہ ہا اے اوواقعات ہن جنہاں اچ پاک قوم دا جذبہ حب الوطنی اتے یکجہتی کڈاہیں وی نی بھلایا ونج سگدا ۔انہاں آکھیا جو بھارت 1965اچ کشمیر دے مسئلے ولوںتوجہ ہٹاونڑ دی غرض نال پاکستان سانگے عالمی سطح تے متعین ورکنگ باﺅنڈری تے حملہ کیتا اتے پاکستانی فوج اپنڑے توں ڈاہ گنا وڈی فوج کوں منہ تروڑ جواب ڈتا جیویں او رہندی دنیا تئیں یاد رکھیسی ۔

ہک سوال دے جواب اچ انھاں آکھیا جو بھارت اسلحے دی وافر مقدار ملھ گن تے خطے دے امن کوں تباہ کرنڑ دی کوشش کریندا پئے جیں تے پاکستان کوں تحفظات ہن ۔ڈاکٹر پر ویز آکھیا جو بھارت کوں پتہ ہوونڑاں چاہیدا ہے جو پاکستان ہک جوہری طاقت ہے اتے اے بھارت دیاں چالاں توں ڈر ونجنڑ آلا کائنی ۔