ہاﺅس دی رولنگ سپریم کورٹ اچ وی چیلنج نی تھی سگدی ، ایندے تے جیرھا رویہ اپنایا گیا او قابل افسوس اے ،مسلم لیگ (ن) دے رکن رضا حیات ہراج

اسلام آباد (پاکستان نیوزپوائنٹ23جنوری2018ء) مسلم لیگ (ن) دے رکن رضا حیات ہراج آکھیے جو اگر اساں ایں پارلیمان دی عزت کائناں کریسوں تاں لوک وی کائناں کریسن ،چیئر دا احترام ساریں تے لازم اے ۔منگل کوں قومی اسمبلی اچ اعتراض دے نکتے تے انہاں آکھیا جو لوک برے تھی سگدن تاں پارلیمان کوں لعنت ملامت کرنڑ زیادتی اے ۔اگر پورے پاکستان ایں توں کوئی وڈا ادارہ ہے تاں ڈسایا ونجے ۔انہاں آکھیا جو ایں ہاﺅس دی رولنگ سپریم کورٹ اچ وی چیلنج نی تھی سگدی۔اج ایں رولنگ دے خلاف جیرھارویہ اپنایا گیا او قابل افسوس اے ۔ایں پارلیمان دی عزت کیتی ونجے ۔اساں ہی ایندی عزت بنڑاونڑیں اے ۔