اسلام آباد (پاکستان نیوز پوائنٹ 06ستمبر 2016ء) سینیگال دے صدر میکی سال دے اعزاز اچ منگل کوں ایوان وزیراعظم اچ باضابطہ استقبالیہ تقریب تھئی ۔ وزیراعظم محمد نواز شریف ایوان وزیراعظم آمد تے انہاں دا مرکزی دروازے تے پرتپاک خیرمقدم کیتا۔ ایں موقعے تے مسلح افواج دے چاق وچوبند دستے صدر کوں سلامی ڈ تی اتے گارڈ آف آنر پیش کیتا گیا۔ پاکستان اتے سینیگال دے قومی ترانے وجائے گئے ، سینیگال دے صدر گارڈ آف آنر دا معائنہ کیتا۔
ایں توں بعد وزیراعظم محمد نواز شریف آپنڑیں کابینہ دے رکناں دا تعارف کروایا جڈانجو سینیگال دے صدر آپنڑیں وفد دے رکناں کوں وزیراعظم نال متعارف کروایا۔ ایں توں پہلے سینیگال دے صدر میکی سال سویلے ڈو ڈینھ دے سرکاری دورے تے پاکستان پجے تاں وزیراعظم محمد نوازشریف نور خان ایئر بیس تے انہاں دا پرتپاک خیر مقدم کیتا ۔ قومی لباس پاتے ہوئے بالیں معزز مہمان کوں گلدستہ پیش کیتا ۔
سینیگال دے صدر آپنڑیں ایں دورے دے دوران پاکستان اتے سینیگال وچال گانڈھے دے نویں امکانات تلاش کرنڑکیتے گالھ مہاڑ کریسن۔ او مختلف شعبیاں اچ ڈو طرفہ تعاون کوں بیا مستحکم بنڑاونڑ کیتے مفاہمتی یادداشت تے وی دستخط کریسن۔ وزیراعظم خارجہ معاملیاں بارے وزیر سرتاج عزیز وی معزز مہمان دے استقبال کیتے ہوائی اڈے تے موجود ہن ۔
