قبائلی علاقیاں دے صوبہ خیبر پختونخوا نال انضمام دا تیکھے فیصلہ کیتا ونجے، قائد حزب اختلاف سیّد خورشید احمد شاہ

اسلام آباد (پاکستان نیوزپوائنٹ12جنوری2018ء) قائد حزب اختلاف سیّد خورشید احمد شاہ مطالبہ کیتے جو سپریم کورٹ اتے پشاور ہائی کورٹ دے دائرہ کار کوں قبائلی علاقہ جات تئیں ودھاونڑ دے بعد قبائلی علاقیا ں دے صوبہ خیبر پختونخوا نال انضمام دا تیکھے فیصلہ کیتا ونجے۔ جمعہ کوں قومی اسمبلی اچ نکتہ اعتراض تے قائد حزب اختلاف سیّد خورشید احمد شاہ قبائلی علاقہ تئیں سپریم کورٹ اتے پشاور ہائی کورٹ دے دائرہ کار کوں ودھاونڑ دا بل خوش آئند قرار ڈیندے ہوئیں ساریاں جماعتاں کوں مبارک باد ڈتی۔انہاں توقع کیتی جو قبائلی علاقیاں دا کے پی کے اچ انضمام کیتا ویسی،جیکر ایویں تھیا تاں اے ہک تاریخی قدم ہوسی، ساکوں قبائلی عوام دے گالھ اتے حق منیندے ہوئیں اے مطالبہ ضرور تسلیم کرنڑا ہوسی۔